"Gjahtari i Kredive" çon në pranga katër shtetas

Policia e Lezhës në njoftim të sajin thekson se "gjatë operacionit “Gjahtari i Kredive” u bë i mundur arrestimi i shtetasve, Migena Shema, 32 vjeç, banuese në Lagjen”Skenderbeg” të qytetit Lezhë, ish oficere kredie në Raiffaisen Bank,dega Lezhë, Haxhi Haxhia, 54-vjeç, banues në Lezhë, administrator i firmës “Ulqini”-shpk, që merret me tregtinë e armëve të gjahut, Martin Gjokhilaj, 36-vjeç, dhe Nikoll Ndoj, 54-vjeç, të dy punëtorë me banim në Lezhë.

Këta shtetas në bashkëpunim me njëri tjetrin me anë të dokumenteve të falsifikuara dhe mashtrimit, kanë përfituar kredi në Raiffaisen Bank, dega Lezhë, të cilat nuk i kanë kthyer. Materialet i kaluan Prokurorisë së Rrethit Gjyqësorë Lezhë për procedim të mëtejshëm.