Femija i pare mbi 35 vjec, c'duhet te dine ciftet

Karriera, marrja e "veseve" perendimore, emigracioni por edhe faktore te tjere sociale jane arsyet qe po cojne ciftet shqiptare qe te vendosin qe femijen e pare ta sjellin ne nje moshe te madhe, por dhe me te pjekur. Ky fenomen haset kryesisht ne zonat urbane ku mjeket gjinekologe po hasen gjithnje e me shume me keto cifte te cilet femijen e pare e sjellin pas te 35. Gjinekologet thone se tek keto mosha jo gjithmone eshte i nevojshem trajtimi paraprak per t'u ngjizur femija, pasi kjo varet jo vetem faktori gjenetik, por edhe nga bashkeshorti. Megjithate mjeket sugjerojne qe ciftet mbi 35 vjec te bejne nje konsulte dhe te trajtohen, perpara se te vendosin te sjellin ne jete nje femije. "Nje ovulacion te themi joefikas mund te shtyje krijimin e shtatzenise mbi moshen 35 vjec. Mundesite per t'u rikuperuar ose per t'u aftesuar te themi, krijimi i shtatzenise ne keto mosha ekziston. Ne konkludojme per fillimin e terapive ndihmese hormonale te cilat mundesojne krijimin e ketij folikuli te fuqishem te themi, ose kesaj veze, ne qofte se do ta thoshim ne gjuhen popullore, per t'u fekonduar nga ana e spermatozoidit per te pasur shtatzeni ne momentin kur ato e kerkojne",-thote Mirela Rista, Gjinekologe, Materniteti "Koco Gliozheni". Ajo qe mjeket keshillojne pas te 35-ve, ciftet qe deshirojne femije duhet te kene marredhenie pa mbrojtje per nje vit. Nderkohe probleme te tjera jane edhe rreziku per shtypjen e larte te gjakut gjate shtatzenise, pasi ai eshte dyfish me i larte tek grate pas moshes 35 krahasuar me ato me te rejat ne moshe; hipertensioni kap 10 deri ne 20 % te shtatzenave ne kete moshe. Diabeti eshte dy deri ne trefish me i shpeshte tek grate pas te 35-tave sesa tek ato me te reja, dhe rreziku per te shtuar ne peshe eshte po ashtu me i larte tek ky grup. Po keshtu edhe shansi per operime cezariane eshte dyfish me i larte tek femrat mbi 35 sesa tek ato ne moshe te re. Ndaj edhe specialistet kerkojne qe keta person te konsultohen paraprakisht, pasi mjeket nuk perjashtojne edhe rreziqet per femijen dhe nenen. Ne pergjithesi, tek keto cifte ndodh qe femija te linde para kohe apo dhe me defekte fizike ose mendore. "Mundesite per te abortuar ne menyre spontane nje shtatzeni te deshiruar te nenat mbi 35 vjec, jane me te larta ne perqindje se te nenat e reja. Ndonjehere edhe problemet e ciftit, pra problemet e bashkeshortit te saj, te nje spermatogeneze jo te rregullt japin krijimin e shtatzenise, por jo rritjen e saj. Nepermjet analizes se materialit qe merret nga ky abort i kryer ne maternitet ne gjykojme per nje trajtim te metejshem te ciftit, qe ata te mos befasohen dhe te mos ndodhen perpara ketij problemi, kur te nisin nje shtatzeni te re",-thekson ajo. Edhe ne rastet kur femija nuk mund te ngjizet ne menyre natyrale, per te gjithe ka ende shprese. Ne vendin tone po aplikohet gjithnje dhe me shume fekondimi artificial dhe ne shumicen e rasteve, kjo metode ka rezultuar e suksesshme.