Ferati: Nuk i njohim të zgjedhurit e strukturave paralele

Institucionet e Kosovës nuk i pranojnë rezultatet e zgjedhjeve serbe në Mitrovicë dhe Novobërdë, ndërsa thonë se me gjithë ndërhyrjen e Serbisë, ata do të vazhdojnë me projektin për integrimin e serbëve në shoqërinë kosovare.

Ministri i Pushtetit Lokal, Sadri Ferati, ka deklaruar për Radion Evropa e Lirë se me gjithë ndërhyrjet e Serbisë, Ministria që ai drejton nuk do ta ndalë projektin për decentralizim, në këtë rast, krijimin e komunës së Mitrovicës veriore, siç parashikohet me Pakon Ahtisaari.