Fermerët në Dushnik të Beratit drejt falimentimit, shkak rritja e çmimeve

Rritja e çmimeve të çdo produkti ushqimor por edhe rritja e çmimeve të pesticideve e plehrave kimikë po çon drejt falimentimit fermerët e zonave rurale. Duke qenë se çdo pleh kimik është trefishuar por edhe çmimi i naftës që duhet për të punuar tokat me traktor ka arritur çmime stratosferike, shumica e tokave bujqësore po lihen “djerrë” dhe nuk po punohen më nga fermerët.

Fermerët e fshatit Dyshnik fajësojnë shtetin për gjendjen e krijuar dhe deklarojnë se me pensionet që ata marrin mezi po ushqehen.

Tradita dhe krenaria në fushën e frutikulturës dhe bujqësisë në fshatin Dyshnik duket se po rrezikohet prej krizës financiare, çmimet e larta të plehrave kimikë dhe naftës por edhe braktisjes së të rinjve që prej kohësh po e lënë fshatin.

/rtsh/