Festivalet folklorike, viti 2010 mirepret 5 te tille

Plot 5 festivale do te organizoje per vitin 2010 Qendra Kombetare e Veprimtarive Folklorike. Esat Ruka, drejtor i kesaj qendre, qe cileson si veprimtarine me te rendesishme te vitit qe lame pas, Festivalin Folklorit te Gjirokastres, ben publik kalendarin, duke i cilesuar keto aktivitete si teper te rendesishme per ruajtjen e trashegimise sone shpirterore folklorike. "Cdo festival qe ne organizojme ka te percaktuara disa kritere te vecanta, te cilat synojne ruajtjen e origjinalitetit dhe mbajtjen gjalle te tradites. Konkretisht, me kete synim kete vit ne kemi menduar te organizojme 5 festivale te cilat jane: Festivali Folkloristik Tipologjik Kombetar i Kenges Popullore, ne Elbasan, pergjate datave 12-13 Mars; FFKT i Valles Burimore, ne Lushnje, ne datat 25, 26 dhe 27 Maj; FFKT i Rapsodeve dhe Instrumentisteve, ne qytetin e Lezhes, ne datat 23 e 24 Qershor; FFKT i Sazeve, ne Korces ne datat 16 dhe 17 Gusht, ( gjate diteve te festes se birres) si dhe FFKT i Iso-Polifonise, ne Vlore ne datat 24 dhe 25 Nentor", tha Ruka. Sipas tij, fondi qe ky institucion ka ne dispozicion per kete vit, eshte rreth 8 milione leke. Titullari i QKVF-se, shtoi se per nje ridimensionim te ketyre aktiviteteve te rendesishme per ruajtjen e trashegimise sone shpirterore, kerkohet edhe parashikimi i aktiviteteve dytesore, te cilat i japin fizionomi multikulturore ketyre festivaleve. Per kete arsye u kerkohet bashkive bashkorganizatore te parashikojne ne programet e tyre aktivitete dytesore sic jane, shfaqjet e grupeve ne bashki apo komuna, ne zonat rreth tyre, panaire te artizanatit, te kulinarise dhe prodhimeve te zones, vizita ne monumentet e trashegimise kulturore te zones etj. "Qellimi themelor i festivalit eshte mbajtja gjalle e trashegimise shpirterore, permes kenges, valles, melodise, pasurise se kostumeve tradicionale, fjales se mencur popullore", perfundoi Ruka.