Fier, arrestohet i dyshuari për vrasjen e 57-vjeçarit

Lajmi bëhet i ditur nga burime policore të cilat saktësojnë se është vënë në pranga 36-vjeçari Oltion Torro. Arrestimi i krye në periferi të qytetit të Fierit, ku u fsheh pas vrasjes.

Dyshohet se Torro, mesditën e djeshme rreth orës 13:30 ka qëlluar në drejtim të apartamentit ku banonte çifti, pas një konflikti për mospagimin e 500 lekëshit për mirëmbajtjen e pallatit.

Viktima ishte administratori i Pallatit dhe raportohet se ka pasur debat me 36-vjeçarin për mos kryerjen e pagesës, çka ka bërë 36-vjeçarin të marrë automatikun dhe të qëllojë fqinjët, duke vrarë administratorin dhe duke plagosur bashkëshorten e tij./Start/

                                                                                             2012-07-29 09:33