Fier tregtaret kunder bashkise per projektin e pedonales

Një pedonale për Fierin ose falimentimi i qindra biznesve.
Përballë kësaj zgjedhjeje i ka vendosur bashkia 200 tregtarët e shumicës në këtë qytet.

Bllokimi i qarkullimit të automjeteve me rastin e ndërtimit të shëtitores, do të thotë qindra familje pa të ardhura, thonë tregtarët.

Projekti për ta bërë Fierin me shëtitore financohet nga donatorë amerikanë. Një pjesë e tregtarëve e kanë dhënë pëlqimin, por duket se shumica është jashtë kësaj.
Ndërtimi i pedonales pengon qarkullimin e makinave prej mëngjesit deri në darkë.
Tregu i shumicës është zona me e populluar me njësi tregtare dhe më e frekuentuara nga konsuamtorët.
Këtu ka dhe pallate, banorëve të të cilëve do t’u ndalohet lëvizja me makinë në lagjen e tyre.