"Fieri, mund te ndryshoje rezultatin"
Ekziston mundesia qe kutite aq te debatueshme te qarkut te Fierit te mund te numerohen, madje te ndryshojne edhe rezultatin per kete zone. Kryetari i Komisionit Qendror te Zgjedhjeve, Arben Ristani, pohoi dje ne emisionin "Opinion" ne TV Klan, se kutite mund edhe te hapen nese Partia Socialiste e ankimon dhe KQZ pranon numerimin e tyre. "Ndryshimi mund te vije vetem nepermjet ankimimit. Ne nuk vendosem te mos ti numerojme kutite. Thjesht vendosem te miratojme tabelen permbledhese te Komisioneve Zonale te Administrates Zgjedhore. Eshte e mundur hapja e kutive te votimit dhe numerimi, por gjithnje nese ankimohet nga partite", sqaroi Ristani. Nga marrja e vendimit nga KQZ diten e djeshme, partite politike te interesuara kane te drejte 3 dite per te bere ankese dhe te kene mundesine e hapjes se kutive. Ne kulmin e debatit per qarkun e Fierit, Ristani pohoi gjithashtu se nga numerimi i mundshem i kutive te votimit, mund te ndryshoje rezultati per kete qark ne ndarjen e mandateve te deputeteve. "Ka mundesi te ndryshoje raporti i ndarjes se mandateve ne kete zone nga numerimi", pohoi Ristani. Sipas tij, situata e ketij qarku nuk eshte aspak e ngjashme me qarqet e tjera si Lezha, kjo sepse ne keto zona nuk kishte fare vendim te Komisioneve Zonale te Administrates Zgjedhore. "Une jam i bindur ne proceduren qe ndoqem edhe pse pati debate te medha. Ne ne baze verifikimeve ndertojme tabelen per qarkun. Ne rastin konkret ka nje vendimmarrje te KZAZ-se qe vendosi ta miratoje tabelen permbledhese pa futur ne numerim disa kuti", u shpreh kreu i KQZ-se. Ne 4 KZAZ-te e pa numeruara ne kete qark, epersi ne 3 prej tyre ka Partia Demokratike dhe ne 1 ka Partia Socialiste. Duke qene si nje nga ceshtjet me te nxehta dhe Ristani eshte vene se fundmi ne epiqendren e akuzave te socialisteve, ai mohoi te gjithe akuzat se po tenton te vjedhe nje mandat per PS-ne ne Fier. "Nuk mund te flitet keshtu. Kodin Zgjedhor e miratuan vete partite politike dhe ato e dine fare mire proceduren qe ndiqet ne te tilla raste si qarku i Fierit", u shpreh Ristani. Kreu i KQZ-se, pavaresisht debateve te shumta te ndezura se fundmi ne komision mes anetareve, u shpreh se procesi zgjedhor ishte me i miri i zhvilluar deri me sot. Ai shpjegoi ne detaje edhe teknologjine e re te perdorur per keto zgjedhje qofte ne monitorimin e komisionereve dhe procesit te numerimit te votave, ashtu edhe ne akumulimin e materialeve zgjedhore.