Fillojnë ashpër
Partia Demokratike e Kosovës dhe Lidhja Demokratike e Kosovës kanë nisur të hënën fushatën elektorale në Gjilan.
Me nënshkrimin e një marrëveshjeje me disa subjekte të vogla dhe asociacione joqeveritare që veprojnë në komunën e Gjilanit, e ka nisur fushatën e saj për zgjedhjet e 14 marsit PDK’ja, me ç’rast kandidati Qemajl Mustafa ka shprehur besimin se me ndihmën e partnerëve dhe të qytetarëve, kësaj radhe do të fitojë edhe më bindshëm garën për të parin e Komunës.
Për rrethin e tretë të zgjedhjeve, përkrahja për kandidatin e PDK’së, përveç nga partnerët e deritanishëm (AKR’ja, PD’ja, PSD’ja, ORA e KDTP’ja), është zgjeruar nëpërmjet një marrëveshjeje edhe me disa parti të vogla, si Lëvizja për Integrim dhe Bashkim (LIB), Lëvizja Popullore e Kosovës (LPK), Lëvizja Nacional Demokrate Shqiptare (NDSH) dhe shoqatave “Vatra” e “Qendra e Pavarur Kulturore e Anamoravës” (QPKA).
“Shkojmë me bindjen e plotë dhe me dëshmitë e krijuara deri tani që do të jemi fitues bindës, jo më me 1 mijë vota assesi, do të jemi fitues me një diferencë jashtëzakonisht të madhe, që të mos i krijojmë hapësirë as minimale kundërkandidatit, i cili, siç e keni parë, është jashtëzakonisht i papërshtatshëm, është jodemokrat, është me një mentalitet që i takon vetëm natyrës së tij, që të mos i krijojmë pra hapësirën minimale që ta kontestojë rezultatin”, është shprehur Mustafa.
Ndërkaq, kandidati i LDK’së për Kryetar të Gjilanit, Fatmir Rexhepi u është kundërpërgjigjur me akuza të ashpra deklarimeve që ka bërë ditë më parë Lideri i PDK’së, Hashim Thaçi, i cili e ka cilësuar Rexhepin si kërcënues të votës së lirë dhe kërcënues të vullnetit të qytetarëve.
“Lirisht mund të themi se kjo qeveri me punën e saj 2-vjeçare ka treguar se është qeveri vetëm e korrupsionit dhe e krimit të organizuar. Qeveri e cila me sjelljen e saj po mundohet të vendos apo t’i ripërtërijë metodat e stalinizmit në Kosovë. I ka ikur koha. Unë i them Hashim Thaçit dhe shokëve të tij se nuk ripërtërihet më stalinizmi as në Kosovë e lere më në Gjilan. Prandaj të kota janë ato spekulime. Janë edhe shtatë ditë kur Gjilani do t’i thotë përfundimisht lamtumirë vazalëve dhe shatorëve të Hashim Thaçit që i ka ngritur në Gjilan”, ka thënë ai.
Duke e vlerësuar qeverinë e tanishme komunale si më të keqen që e ka pasur Gjilani ndonjëherë, kandidati i LDK-së ka thënë se 14 marsi do të jetë fundi i qeverisjes së PDK’së në Gjilan. Gjatë tërë paraqitjes së tij, Fatmir Rexhepi më tepër e ka përmendur Liderin e PDK’së sesa kundërkandidatin e tij Qemajl Mustafën dhe këtë me arsyetimin se fushata po bëhet nga Hashim Thaçi.
Me nënshkrimin e një marrëveshjeje me disa subjekte të vogla dhe asociacione joqeveritare që veprojnë në komunën e Gjilanit, e ka nisur fushatën e saj për zgjedhjet e 14 marsit PDK’ja, me ç’rast kandidati Qemajl Mustafa ka shprehur besimin se me ndihmën e partnerëve dhe të qytetarëve, kësaj radhe do të fitojë edhe më bindshëm garën për të parin e Komunës.
Për rrethin e tretë të zgjedhjeve, përkrahja për kandidatin e PDK’së, përveç nga partnerët e deritanishëm (AKR’ja, PD’ja, PSD’ja, ORA e KDTP’ja), është zgjeruar nëpërmjet një marrëveshjeje edhe me disa parti të vogla, si Lëvizja për Integrim dhe Bashkim (LIB), Lëvizja Popullore e Kosovës (LPK), Lëvizja Nacional Demokrate Shqiptare (NDSH) dhe shoqatave “Vatra” e “Qendra e Pavarur Kulturore e Anamoravës” (QPKA).
“Shkojmë me bindjen e plotë dhe me dëshmitë e krijuara deri tani që do të jemi fitues bindës, jo më me 1 mijë vota assesi, do të jemi fitues me një diferencë jashtëzakonisht të madhe, që të mos i krijojmë hapësirë as minimale kundërkandidatit, i cili, siç e keni parë, është jashtëzakonisht i papërshtatshëm, është jodemokrat, është me një mentalitet që i takon vetëm natyrës së tij, që të mos i krijojmë pra hapësirën minimale që ta kontestojë rezultatin”, është shprehur Mustafa.
Ndërkaq, kandidati i LDK’së për Kryetar të Gjilanit, Fatmir Rexhepi u është kundërpërgjigjur me akuza të ashpra deklarimeve që ka bërë ditë më parë Lideri i PDK’së, Hashim Thaçi, i cili e ka cilësuar Rexhepin si kërcënues të votës së lirë dhe kërcënues të vullnetit të qytetarëve.
“Lirisht mund të themi se kjo qeveri me punën e saj 2-vjeçare ka treguar se është qeveri vetëm e korrupsionit dhe e krimit të organizuar. Qeveri e cila me sjelljen e saj po mundohet të vendos apo t’i ripërtërijë metodat e stalinizmit në Kosovë. I ka ikur koha. Unë i them Hashim Thaçit dhe shokëve të tij se nuk ripërtërihet më stalinizmi as në Kosovë e lere më në Gjilan. Prandaj të kota janë ato spekulime. Janë edhe shtatë ditë kur Gjilani do t’i thotë përfundimisht lamtumirë vazalëve dhe shatorëve të Hashim Thaçit që i ka ngritur në Gjilan”, ka thënë ai.
Duke e vlerësuar qeverinë e tanishme komunale si më të keqen që e ka pasur Gjilani ndonjëherë, kandidati i LDK-së ka thënë se 14 marsi do të jetë fundi i qeverisjes së PDK’së në Gjilan. Gjatë tërë paraqitjes së tij, Fatmir Rexhepi më tepër e ka përmendur Liderin e PDK’së sesa kundërkandidatin e tij Qemajl Mustafën dhe këtë me arsyetimin se fushata po bëhet nga Hashim Thaçi.