Fillon puna për projektin e Skavicës
Nis puna për projektin hidroelektrik të Skavicës në Shqipëri. Ka kontribuar në zhvillimin e Shqipërisë për gati 20 vjet me projekte në sektorin e ujit, si edhe në sektorët e transportit, energjisë, mjedisit dhe zhvillimit urban të vendit. Në ndërkohë, së bashku me Autoritetin Rrugor Shqiptar ka punuar për të përmirësuar menaxhimin e të gjitha urave në rrjetin rrugor kombëtar.
Mott MacDonald po mbështet zhvillimin e projekteve paraprake për një projekt të ri hidroelektrik në Skavicë, Shqipëri.
Sipas burimeve nga Ministria e Infrastrukturës dhe Energjisë, duke punuar me kontraktorin kryesor Bechtel, Mott MacDonald po zhvillon studime hidrologjike, gjeoteknike, sizmike dhe teknike inxhinierike dhe do të rekomandojë një plan urbanistik të preferuar për skemën.
Firma do të prodhojë gjithashtu një studim inxhinierik dhe dizajni të përparme, i cili do të kontribuojë në vlerësimin e kostos së projektit.
Projekti hidroelektrik do të jetë në pronësi dhe operim të Korporatës Elektroenergjitike Shqiptare (KESH), e cila operon rreth 79% të kapacitetit gjenerues të vendit.
Prodhimi i energjisë elektrike në Shqipëri bazohet kryesisht në hidrocentralet. Mesatarisht, hidrocentralet ekzistuese të Shqipërisë gjenerojnë rreth pesë TËH ndërsa vendi konsumon rreth shtatë TËH. Shqipëria, pra, vazhdon të jetë një importuese neto e energjisë elektrike, por HEC i ri do të rrisë prodhimin e energjisë me 20%, duke rregulluar edhe tre hidrocentralet para-ekzistuese në lumin Drin.
Projektimi i impiantit do të jetë i ndërlikuar nga aktiviteti sizmik dhe tektonik në rajon, si dhe nga sfidat që lidhen me mungesën e rrugëve hyrëse që të çojnë në kantier.
Faza 1 e projektit parashikohet të përfundojë në nëntor 2022. Ndërtimi i projektit të ri hidroelektrik pritet të zgjasë rreth katër vjet.
HEC-i i Skavicës me kuotë 485 metra, është paraqitur si pjesë përfundimtare e kaskadës së HEC-eve të Drinit qysh në vitin 1960. Ekspertët shqiptarë kanë deklaruar se Lugina e Drinit të Zi me atë konfiguracion gjeofizik, veçanërisht nga Kukësi në Dibër, është dhuratë e Zotit, e papërsëritshme në llojin e vet, me vlerën më të pakrahasueshme të aseteve natyrore të një vendi, shteti apo kombi.
Qeveria shqiptare ka deklaruar se do të ndërtojë me fonde publike hidrocentralin e Skavicës.Tashmë marrëveshja është nënshkruar me kompaninë amerikane, Bechtel e cila ka realizuar një serë veprash të rëndësishme infrastrukturore në botë dhe prej disa vitesh është prezente në Ballkan, ku ka ndërtuar rrugën e Kombit në bashkëpunim me kompaninë turke Enka dhe autostradat në Kosovë.