Fjalimi i Bill Clintonit ka mahnitur amerikanët

Presidenti amerikan, Barack Obama, është mahitur të premten, duke thënë se do të duhej ta emërojë Bill Clintonin si “Sekretar për Shpjegimin e Gjërave”, pas fjalimit të mbajtur të tij në Konventën Demokratike.

Fjalimi i ish-presidentit Bill Clinton në Konventën, në të cilën, Obama u riemërua për president, ka pasur jehonë të madhe në SHBA, madje edhe republikanët kanë pranuar se ka qenë një përmbledhje e përkryer e argumenteve zgjedhore për presidencën e Obamës.

Clinton pritet të paraqitet me Obamën në disa shtete, në të cilat beteja mes demokratëve dhe republikanëve në zgjedhjet e nëntorit është e ngushtë.

“Presidenti Clinton e paraqiti çështjen në mënyrën që vetëm ai mundet. E dini, dikush më dërgoi e-mail pas fjalimit të tij dhe më tha ‘duhesh ta emërosh atë si Sekretar për Shpjegimin e Gjërave’”, është mahitur Obama në New Hampshire.

Clinton iu tha demokratëve në Konventë se Obama i ka vendosur amerikanët në rrugën e gjatë të rimëkëmbjes, duke i vendosur themelet për një ekonomi më moderne dhe më të balancuar.

Obama në zgjedhjet e 6 nëntorit përballet me rivalin republikan Mitt Romney.