Flak poshte ures thesin me droge, i shpeton ndjekjes policore

Gjirokaster- Nje sasi droge e llojit marihuane prej pese kilogramesh, eshte kapur nga Policia e Gjirokastres, nderkohe qe transportuesi i saj eshte larguar ne drejtim te paditur. Burimet zyrtare konfirmojne per gazeten se ngjarja ka ndodhur ne oret e vona te mbremjes se te premtes, ne aksin rrugor Gjirokaster-Kakavije, ne afersi te fshatit Gorice. Rreth ores 22:00, agjentet arriten te zbulonin nje person te dyshimte qe transportonte me krahe nje thes. Por ne momentin qe ka vene re efektivet qe i ishin vene nga pas, ai ka hedhur thesin poshte ures qe lidh fshatrat Terihat dhe Gorice. Duke perfituar nga erresira, i dyshuari eshte zhdukur menjehere duke braktisur drogen. Megjithese e ka ndjekur per dy ore me radhe dhe ushtroi kontrolle ne zonen perreth, policia nuk mundi te kapte dot pronarin e narkotikut. "Specialistet e Sektorit te Luftes Kunder Krimit te Organizuar, kane bere te mundur evidentimin e personit dhe po punohet per kapjen e tij", thane burime zyrtare, qe nuk i publikuan emrin te dyshuarit per shkak te veprimeve operacionale. Ne vendngjarje ka shkuar grupi hetimor, i cili konstatoi se ne thes kishte pese pako 1 kg secila me marihuane, te mbeshtjella me leter ngjitese ngjyre kafe. Ne cilesine e proves materiale u be sekuestrimi i mallit, nderkohe materialet i kaluan organit te akuzes se Gjirokastres, per veprime te metejshme, per vepren penale te "prodhimit dhe shitjes se lendeve narkotike". Burime policore deklaruan se i arratisuri eshte banues ne kete zone ku dhe u evidentua se levizte me ngarkesen e droges.

B. Kore