Fluks për marrjen e çertifikatave në Fier

Megjithëse ligjet parashikojnë letërnjoftimin elektronik, në qytetin e Fierit vazhdon të ketë kërkesa të larta për pajisjen me çertifikata.

Përgjegjësja e zyrës Civile në Fier sqaron se reduktimi i pritshëm i kërkesave për çertifikata nuk ka ndodhur. Sipas Arta Priftit kërkesa varion nga 80 deri në 100 çertifikata në ditë.

Prifti thotë se shkak për këtë situatë është bërë kërkesa e çertifikatës si mjet identifikimi nga institucionet.

Ndërkaq disa prej problemeve më aktuale të zyrës së gjendjes civile në Fier, mbeten defektet në rrjetin online dhe mungesa e energjisë.