Fokus/Perëndimi duhet ta rimendojë Rusinë

Cari Putin ka përballuar me sukses detyrën si president i Rusisë pavarësisht se është e nevojshme rishikimi i politikës së "reset", e cila është një fillim i ri, që udhëhoqi qasjen amerikane dhe europiane në Rusi në vitet e fundit. Rusia po përjeton periudhën më dinamike të aktivitetit politik që nga ditët e Boris Eltcin, pavarësisht  kufizimet në liritë politike e të shtypit, të presionit në rritje të shoqërisë civile dhe korrupsionit masiv, apo edhe për shkak të këtyre gjërave të njëjta. Qindra mijëra manifestues morën pjesë në protesta në të gjithë vendin, jo vetëm në Moskë dhe Shën Petersburg. Mediat sociale janë bërë një mjet thelbësor për komunikim të qartë. Ajo që njerëzit po komunikojnë është se partia e Putinit "Rusia e Bashkuar", është partia e "hajdutëve" dhe se plani i kryeministrit Putin si president është krejtësisht i paligjshëm. Deklarata e Putinit, që ai dhe Medvedev kanë rënë dakord vite më parë, që Putin do të kthehej si president do të thotë se të gjithë ata që besonin se Medvedev do të përfaqësojë një qasje shumë të ndryshme në Rusi apo se Rusia ende mund të konsiderohet si një lloj demokracie, janë tërhequr nga hunda. Ashtu si në protestat që kanë nisur në Pranverën Arabe, Perëndimi nuk kishte të bënte me protestat e Rusisë. Në fakt, në vitet e fundit, politika amerikane dhe europiane është përqendruar në pjesën më të madhe për të bashkëpunuar me qeverinë ruse për çështjet kryesore, kritike për duke rregulluar kufizimet e të drejtave politike dhe njerëzore nga ana e qeverisë si dhe presionit të rëndë në vendet fqinje.   
Megjithatë, ky fakt nuk e ka penguar Putin që të përdorë retorikë anti-perëndimore, duke drejtuar qeverinë e tij si antagoniste të Perëndimit. Kjo përfshin shitjen e armëve në Siri, bllokimin e veprimit të Kombeve të Bashkuara, sosjen e sanksioneve ndërkombëtare kundër Iranit, bllokadën e bashkëpunimit NATO-Rusi në mbrojtjen raketore, kërcënimin e drejtpërdrejtë të zhvillimit të raketave të reja në Europë, kërcënimin e daljes së Rusisë nga traktati “Start II” përfundoi gjatë administratës së Obamës. Ka akuzuar gjithashtu sekretaren e shtetit Klinton se ka frymëzuar protestat e brendshme në Rusi. Kjo linjë e re e ashpër ruse është për veten një e keqe akoma më e madhe se sa kur shihet si  profeci e të ardhmes politike të presidentit të ri-zgjedhur Putin.   
Ky është problem me të cilin politikë-bërësit amerikanë përballen sot. Mendoni se çfarë do të bëjë Putin pasi të kthehet në Kremlin. Do të shtypë me forcë ata që protestuan fuqishëm kundër tij dhe do të ndjekë një linjë të re agresive në drejtim të fqinjëve të tij dhe Perëndimit. Politika e "reset" që kishte për qëllim nxitjen e sjelljes së mirë ruse, duke e vënë theksin më shumë tek fushat e bashkëpunimit se sa  tek ndryshimet - do të refuzohet nga Rusia. Nëse Perëndimi vazhdon me këtë politikë, do të ishte ritheksim i kritikës putiniste, ndërsa vetë Putin i ka rritur sulmet ndaj kundërshtarëve të brendshëm e Perëndimit si dhe pengon një agjendë përgjegjëse për sigurinë ndërkombëtare.   
Nga ana tjetër, në qoftë se Putin do të dobësohet brenda për shkak të kundërshtimit të brendshëm, ne do të përballemi me një problem tjetër. Ata që luftojnë për një Rusi më pak të korruptuar dhe më demokratike do të shohin se Shtetet e Bashkuara dhe Europa kanë dështuar në luftën për të drejtat e komunave ruse, duke garantuar në të njëjtën kohë Putin dhe regjimin e tij. Ata do të mendojnë se Perëndimi ka kërkuar të mbrojë interesat e tij në kurriz të popullit rus.   
Megjithatë, politika e "reset" e Shteteve të Bashkuara Europës është gjithnjë e më shumë jashtë sinkronisë, sepse ajo ishte bazuar në bashkëpunimin me qeverinë ruse. Edhe pse nuk heqin dorë nga mbështetja e demokracisë dhe fqinjëve të Rusisë, thelbi ishte për të mos lejuar që një mbështetje e  tillë të pengonte perspektivën për të arritur një marrëdhënie konstruktive me qeverinë ruse.   
Putin e ka bërë tashmë të qartë se kjo marrëdhënie nuk mund të jetë konstruktive. Për më tepër, përpjekjet tona për të ndjekur një marrëdhënie konstruktive me të kanë shërbyer vetëm për të na vënë në pozitë të vështirë për t’u përballur me të kundër popullit rus.   
Në këtë realitet të ri - edhe tani - Shtetet e Bashkuara dhe Europa duhet të ndryshojnë kursin, duke marrë një qëndrim të fortë publik ndaj korrupsionit politik në Moskë dhe në mbështetje të objektivave legjitime të popullit rus, të shprehur nëpërmjet një procesi të mirëfilltë demokratik. Populli rus duhet të dijë se ne jemi në anën e tij dhe Putin duhet të dijë se veprimet e tij do të kenë pasoja.   
*Ish-ambasadori amerikan në NATO, drejtor i Institutit McCain për Udhëheqjen Ndërkombëtare,  organizëm i Universitetit Shtetëror në Arizonë.