Forcat amerikane do të ri-pozicionohen në Azi

Sekretarja amerikane e shtetit, Hillary Clinton, tha se Shtetet e Bashkuara po i ri-pozicionojnë forcat e veta ushtarake në rajonin e Paqësorit Aziatik, “për tu ballafaquar me një seri tjetër sfidave të sigurisë në rritje”.

Në fjalimin e saj para kadetëve të marinës në Anapolis, Clinton, i ka paraqitur disa hapa që po i ndërmarrin Shtetet e Bashkuara, përfshirë edhe rotacionin e trupave nëpër Australi, modernizimin e anijeve në Singapor dhe punën në përmirësimin e lidhjeve ushtarake me Kinën.

Ajo i ka hedhur poshtë pohimet se Shtetet e Bashkuara dëshirojnë ta ndalin rritjen e Kinës si fuqi e re dhe ka theksuar se të dy vendet kanë lidhje më të afërta ekonomike se kurrë më parë.