Foto Strakosha ne listen e PASOK-ut per zgjedhjet vendore
Lajmi eshte konfirmuar nga vete Strakosha ne nje pronononcim per Panorama. Diten e neserme ne Greqi zhvillohen zgjedhjet per pushtetin lokal ku per here te pare do te votojne edhe emigrantet. Ish-kapiteni i Kombetares shqiptare do te kandidoje ne periferine e Atikes e cila perfshin 4 milione banore. Nderkohe te pakten 150 mije emigrante shqiptare vleresohet se perfitojne te drejten per te votuar per here te pare per strukturat vendore ne shtetin fqinj. Gjithsesi vota e emigranteve nuk pritet te jete percaktuese duke qene se ata nuk jane regjistruar masivisht ne lista. Por megjithate ky zhvillim eshte i rendesishem. Kjo per shkak se emigrantet po konsiderohen si partnere te respektueshem ne shoqerine greke gje qe para disa vitesh as qe mund te imagjinohej.
Pak muaj me pare ka qene vete prefekti i Athines i cili me beri nje oferte qe une te kandidoj per keshilltar te kesaj prefekture nen siglen e PASOK-ut. Ketu ne Greqi aplikohet sistemi amerikan dhe keto jane zgjedhje vendore ku voton populli. Per ate pjese ne te cilen mua mu kerkua
ndihma eshte me teper per te rinjte dhe sportin ku duhet te jap kontributin tim. Kjo nuk ka lidhje me politiken apo qeverine. Me shume eshte nje veteqeverisje ku prefektura kontrollon bashkite. Perderisa une iu futa kesaj valleje mendoj se jam i afte te bej dicka te mire qofte per nismat mbi te rinjte dhe sportin ne teresi. Fakt eshte se ka edhe shume shqiptare por jo te gjithe kane te drejten te votojne. Nga informacionet qe kam ne te gjithe kryeqytetin e Greqise ka rreth 16 mije emigrante shqiptare me te drejte vote. Personalisht kandidoj ne 8 lagje te Athines dhe pres voten e shqiptareve ne keto njesi ka pohuar Strakosha. Zgjedhjet kane dale tashme jashte problematikes se pushtetit lokal dhe po konsiderohen si nje test i rendesishem per qeverine Papandreu dhe politikat ekonomike per daljen nga kriza e thelle.
Leonard Karaj