Fotografuan fletën e votimit, arrestohet 37-vjeçari në Sarandë, procedohet bashkëshortja (EMRI)

Një 37-vjeçar ka rënë në prangat e policisë pasi fotografoi fletën e votimit. Sipas njoftimit të Policisë mësohet se në prang aka rënë shtetasi Lulëzim Tarllamishi si dhe është proceduar në gjendje të lirë bashkëshortja e tij.

Këta dy shtetas pasi kishin votuar në Qendrën e Votimit nr.4731, Xarrë, kishin fotografuar fletët e votimit dhe më pas kishin dalë jashtë Qendrës së Votimit.

Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, po vijojnë veprimet hetimore për zbardhjen e plotë të rrethanave të këtij rasti.

Njoftimi i plotë i Policisë:

Xarrë, Sarandë

Fotografuan fletët e votimit, arrestohet një 37-vjeçar, procedohet në gjendje të lirë bashkëshortja e tij.

Komisariati i Policisë Sarandë ka marrë njoftim nga shtetasi O. Sh., vëzhgues në Qendrën e Votimit nr.4731, Xarrë, se dy shtetas kishin fotografuar fletët e votimit dhe më pas kishin dalë jashtë Qendrës së Votimit.   

Specialistët për Hetimin e Krimeve të Komisariatit të Policisë Sarandë menjëherë kanë njoftuar prokurorin e gatshëm, për këtë rast. Dy bashkëshortët dhe vëzhguesi janë paraqitur me vullnetin e tyre, në Prokurorinë e Sarandës.    

Në vijim të veprimeve u arrestua shtetasi L. T., 37 vjeç, banues në Xarrë, Konsipol dhe nisi procedimi në gjendje të lirë për bashkëshorten e tij, shtetasen E. T(C)., për veprën penale “Shkelja e fshehtësisë së votës”.      

Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, po vijojnë veprimet hetimore për zbardhjen e plotë të rrethanave të këtij rasti.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu