Francë, kandidati socialist paraqet platformën

Kandidati socialist për president në Francë, Francois Hollande, paraqiti platformën e tij zgjedhore, ku i jepej përparësi reduktimit të defiçitit buxhetor të vendit.

Ndër premtimet kryesore të Hollande ishte krijimi i 60 mijë vendeve të punës në edukim, 150 mijë vende pune për të rinjtë si dhe një taksë shtesë për fitimet mbi të pasurit dhe mbi bankat.

Premtimi më ambicioz i Hollande është ai i “çrrënjosjes” së borxhit deri në vitin 2017, një vit pasi të skadojë mandati 5-vjeçar i presidentit të ardhshëm.

Aktualisht, Hollande gëzon një avantazh të thellë në sondazhe ndaj presidentit aktual, Nicolas Sarkozy. Zyra elektorale e Sarkozy kritikoi “manifestin” e socialistëve, të konsideruar si të parealizueshëm dhe jorealist.