Raporti i OKB: Armët e ushtrisë libiane në dorë të Al-Kaedës

Shumë armë të ushtrisë së rregullt në Libi mund të kenë përfunduar në duart e ekstremistëve islamikë, shkruhej në një raport tepër shqetësues të paraqitur në Organizatën e Kombeve të Bashkuara.

Në bazë të raportit, terroristët duket se kanë përfituar nga situata kaotike në vend pas shembjes së regjimit të Gaddafit, për të përfituar sasi të mëdha armësh nga depot e shpërthyera të ushtrisë së dorëzuar.

Sipas raportit, fuqizimi i vërejtur kohët e fundit nga organizata e “Boko Haram” në Nigeri, përgjegjëse për qindra viktima në atentate me bombë gjatë 2011-s, mund të lidhet pikërisht me municionet e siguruara në vendin e Afrikës së Veriut.

Situata më shqetësuese është për vendet që kufizojnë Libinë, si Nigeria, Nigeri, Çadi dhe disa pjesë të shkretëtirës së Sahelit.