Fsheh drogen ne tualet t'u shpetonte agjenteve
Per t'i shpetuar ndjekjes se agjenteve te policise, fsheh nje kg heroine ne tualetin e nje prej lokaleve pas Muzut Kombetar, prane qendres se Tiranes. Aksioni eshte organizuar rreth ores 19:00 te mbremjes se djeshme, kur uniformat blu kane qene ne gjurmet e nje te dyshuari qe mbahej prej ditesh nen survejim. Policia sekuestroi 800 gr lende narkotike te dyshuar si heroine dhe vuri ne pranga 25-vjecarin me inicialet K. Gj., identiteti nuk jepet i plote per shkak te hetimeve qe vazhdojne. Nderkohe qe, po mengjesin e djeshem, ne Qytetin Studenti eshte ndaluar nje student 22-vjecar me 21 gr hashash, qe e shiste per shoket e tij per 500 leke. Elis Kondakci u kap ne "Rrugen e Elbasanit", ndersa ne xhep kishte dy qese te mbushura me kanabis. Pas kontrollit ne dhomen e godines nr. 21 jane zbuluar edhe disa qese te tjera me droge.
Duke pare rrezikun qe i kanosej i dyshuari K. Gj., eshte futur ne nje lokal ne zonen pas Muzeut Kombetar, duke kerkuar qe te fshihej. Por dhe hyrja ne nje nga tualetet nuk e ka shpetuar. Pas arrestimit, 25-vjecari eshte marre deri ne mesnate ne pyetje per te zbuluar origjinen e mallit dhe bashkepunetoret. Goditja u krye nga nje grup agjentesh ne rrugen "Ded Gjoluli". Ndersa eshte futur brenda ne tualet ka mbyllur deren, duke mos iu pergjigjur policise per dorezim. Agjentet jane detyruar te shembin porten, duke e kapur ne flagrance. Mesohet se ne kerkim eshte shpallur edhe nje tjeter person, ndaj identitetet nuk u publikuan per shkak te hetimeve. Ndaj dy te ndaluarve, korrierit te heroines dhe studentit shperndares te hashashit, rendojne akuzat e "prodhimit e shitjes se lendeve narkotike".
A.Cena