Shumica dhe opozita ndahen per klasifikimin e shpifjes
Pozita dhe opozita nuk bien dakord per te hequr ndjekjen penale dhe denimin per te gjithe ata qe shpifin e fyejne ne menyre te qellimshme. Por kerkojne ta bejne kete "nder" vetem per gazetaret. Ne Komisionin parlamentar te Medias, anetaret nuk rane dakord per kete pike, duke ja kaluar per shqyrtim Komisionit te Ligjeve me dy variante. Nje i opozites, e cila mendon se shpifja dhe fyerja duhet te jene ne Kodin Penal dhe personat qe i bejne te denohen nga gjobe deri ne 1-5 vjet burg, por tolerime te kete vetem per gazetaret. Ndersa mazhoranca mendon se nje standard i tille duhet te perdoret per cdo person. Komisioni arriti te vendose vetem qe per vepren e shpifjes, gazetaret te ndeshkohen me gjoba, duke hequr mundesine e ndjekjes penale e burgimit. "Do ja kalojme Komisionit te Ligjeve per shqyrtim", tha kryetarja Valentina Leskaj. Ndersa perfaqesuesi i Ministrise se Drejtesise, Viktor Gumi, shpjegoi se projekti eshte ne perputhje te plote me Kushtetuten. "Heqja nga Kodi Penal i paragrafit per shpifjen nuk e le pa mbrojtje shtetasin, pasi ndryshimet shoqerohen me kalim ne Kodin Civil. E keshtu garantohet nje mbrojtje e mjaftueshme per dinjitetin e reputacionin e individeve", tha Gumi, duke sqaruar se eshte e mjaftueshme nje gjobe, sesa ndeshkime te tjera. Projektligji i Ministrise se Drejtesise parashikon qe te heqe ndjekjen penale per te gjithe ata qe shpifin e japin informacione te rreme. Deputetet vendosen ta trajtojne shpifjen e fyerjen tashme si nje ceshtje civile qe do te denohet maksimalisht me gjobe, nga 1-5 vjet burg qe denohet aktualisht. Ne ndryshime propozohet qe personi nuk mban pergjegjesi per theniet kur perbejne opinione ose permbajne pasaktesi faktike te parendesishme.
R.R