Fullani: Kriza greke pa efekt

Kriza greke ende nuk ka ndikime direkte në Shqipëri dhe bankat e vendit fqinj që operojnë në sistemin tonë financiar janë të shëndetshme. Kështu u shpreh guvernatori i bankës së Shqipërisë Ardian Fullani i cili ka shtuar se edhe procesi i emetimit të eurobondit ka patur ndikim minimal nga kjo krizë.

Interesit të medias për situatën e normave të kredisë në vend Fullani i është përgjigjur se janë sistemi i bankave tregtare dhe klientët e tyre që vendosin.

Në konferencën e tij të shtypit që vijonte mbledhjen e këshillit mbikqyrës të bankës qëndrore Fullani tha se ekonomia në tre muajt e parë të vitit është në përmirësim. Sipas shifrave inflacioni në këto tre muaj është regjistruar 4.1 për qind dhe rritja ekonomike 3.3 për qind.

Adi Darsi