Fundi i epokës Berisha? Mediat e huaja: Edi Rama drejt fitores në zgjedhje
Tiranë- Mediat e huaja kanë vijuar t’i bëjnë jehonë zgjedhjeve të 23 qershorit në Shqipëri, edhe gjatë procesit të numërimit që vazhdon dy ditë pas hedhjes së votës.
Sipas raporteve të të huajve opozita shqiptare ka rolin udhëheqës në fillim të numërimit të votave. Menjëherë pasi votimet u mbyllen të dielën, dy pretendentët kryesorë në zgjedhjet parlamentare të Shqipërisë kanë pohuar fitoret respektive.
Mediat e huaja kanë etiketuar edhe terrin informativ të KQZ-së në nisje të procesit të numërimit dhe shkruajnë se rezultatet e para filluan të dalin nga i Komisionit Qendror të Zgjedhjeve të hënën në mëngjes. “Deri më tani ka prirje për fitore të koalicionit të drejtuar nga socialisti Edi Rama, ish-kryebashkiak i Tiranës, kryeqyteti”.
Me votat e numëruara në shumicën e rajoneve, Rama kryeson në Tiranë dhe në rajonet e mëdha të Fierit, Beratit, Elbasanit, Korçës, Vlorës dhe Gjirokastrës.
Një epokë përfundon?
Socialistët dhe demokratët ndryshojnë pak në politikën e jashtme të Shqipërisë dhe të dyja palët duan që vendi të anëtarësohet në Bashkimin Evropian. Megjithatë, marrëdhënia e palëve konfrontuese nuk rri lehtë me atë të BE-së dhe aleatëve të Shqipërisë në NATO. Shqipëria aplikoi për anëtarësim në BE katër vjet më parë, por ende nuk është bërë një kandidat për anëtarësim lidhur me shqetësimet rreth gjendjes së demokracisë së saj.
Kush është në rrugën drejt anëtarësimit në BE?
Pavarësisht krizave të borxhit të saj, BE-ja mbetet tërheqëse në Ballkan, me të gjitha vendet që kërkojnë hyrjen. Një fitore nga Rama do t’i mohojë Kryeministrit Sali Berisha, një mandat të tretë katër-vjeçar dhe në fakt shënon fundin e karrierës së tij politike në moshën 68-vjeçare. Ai kontribuoi në futjen e vendit në NATO dhe nisi diskutimet fillestare për anëtarësim në BE, por kundërshtarët e kanë kritikuar atë për të minuar demokracinë dhe duke lejuar marrje ryshfeti dhe krimin e organizuar të lulëzojë.
Rama bëri fushatë i ofroi Shqipërisë ringjalljen e kryeqytetit me pjesën tjetër të vendit. Ai ka folur për futjen e një normë progresive tatimore dhe lehtësimin e barrës mbi bizneset e vogla.
Mediat theksojnë se që nga zgjedhjet e para të Shqipërisë post-komuniste në vitin 1991, vendi prej 2.8 milionë njerëz ende nuk ka mbajtur zgjedhje krejtësisht të lira dhe të ndershme. Dështimi do të vendoste prapa ambiciet e saj në BE.
Votimi dhe dhuna
Pasi Rama humbi zgjedhjet parlamentare në vitin 2009, forcat e sigurisë qëlluan dhe vranë katër njerëz mes protestave të opozitës që pasuan. Frika e trazirave kësaj radhe u rrit pas të shtënave gjatë zgjedhjeve në rajonin veriperëndimor Laç, që la të vdekur një aktivist të opozitës dhe një kandidat demokrat mbeti i plagosur. Policia ende s’ka për të bërë një arrestim.
Dorina Bilbili/IDEA/