Fyeu ndertimorin, nen hetim ish-deputetja e PS-se

Durres- Ish-deputetja dhe prefektja e Qarkut te Durresit, Natasha Paco, eshte vene nen hetim per vepren penale te "fyerjes per shkak te detyres", e kryer ne bashkepunim. Burime zyrtare te policise vendore bene dje te ditur se politikania 42-vjecare eshte proceduar penalisht ne gjendje te lire, e dyshuar se ka fyer dy dite me pare pergjegjesin e Sektorit Kombetar Ndertimor te Tiranes, i cili kishte mberritur per te realizuar disa prishje objektesh pa leje anes rruges Berryl-Currila. Perballe Universitetit "Aleksander Moisiu" te qytetit te Durresit, ndodhet edhe lokali "Aurora", ne pronesi te ish-deputetes. Tentativa per prishjen e lokalit eshte shoqeruar me debate te ashpra qe me pas kane kaluar ne fyerje. Ne te vertete, territori ku eshte ndertuar lokali i eshte dhene ne pronesi Pacos me nje vendim te Komisionit te Kthimit dhe Kompensimit te Pronave, qe i njohu pronesine ne formen e kompensimit mbi kete territor publik. Megjithate, Bashkia e Durresit nuk ka leshuar leje ndertimi per lokalin "Aurora" dhe as per disa te tjere qe nisen te ndertohen dy vitet e fundit pergjate vijes bregdetare. Dy jave me pare punonjesit e Sektorit Kombetar Ndertimor te Tiranes mberriten ne kete zone dhe prishen disa lokale, ndersa disa te tjereve u dhane kohe per te bere demontimin e pajisjeve dhe ndertimeve ne menyre vullnetare.

K.J