Fytyra e mbuluar, 3 gra saudite slejohen të hyjnë në Francë

Tre gra saudite, të cilat refuzuan që të heqin vellon që u mbulonte fytyrën, nuk u lejuan të hyjnë në Francë. Policia e aeroportit Sharl de Gol u kërkoi grave të hiqnin mbulesën nga fytyra, por ato refuzuan. Për këtë arsye gratë që vinin nga Doha, Katar, nuk u lejuan të hyjnë në vend.

Që në vitin 2011 Franca e ka ndalur që në publik të shfaqesh me një veshje të tillë, duke u bërë vendi i parë që ndalonte mbulimin e fytyrës. Më pas ligje të tilla janë miratuar në Belgjikë dhe Hollandë. Franca e argumentoi këtë ndalim me faktin se kriminelët apo terroristët mund të fshehin fytyrën e tyre.