Nis të ecë viktima e kanibalit që i hëngri fytyrën
Një i pastrehë, që u sulmua nga një kanibal në SHBA, i cili i shqeu 80 përqind të fytyrës, ka nisur që të ecë. Ai është tani në gjendje të mirë shëndetësore dhe i ndërgjegjshëm.
Një foto e publikuar për mediat tregon Ronald Poppo duke shëtitur në një korridor të spitalit.
Mjekët thanë se ai ka nisur të flasë. Atij i është dëmtuar rëndë hunda dhe zgavrat e syve. Mjekët thonë se atij i ka humbur syri i majtë, por po tentohet të shpëtohet syri i djathtë.
Një fond i ngritur për të ndihmuar Poppo ka arritur të mbledhë 15 mijë dollarë.
Ai u sulmua më 26 maj nga Rudy Eugene. Ky i fundit u qëllua nga policia pasi nuk largohej nga trupi i viktimës së tij. Ngjarja tronditi amerikanët. Deri më tani mendohet se Eugene ishte nën efektin e një droge të fuqishme dhe shumë të rrezikshme. Në stomakun e tij nuk u gjet mish njeriu, por vetëm substancat e rrezikshme. Do analizohet se çfarë lloj droge është kjo që ka frikësuar që tani amerikanët.
