GAZA – Palestinezët raportojnë dhjetëra të vdekur në sulmet e fundit izraelite

GAZA/TEL AVIV, 5 maj /ATSH-DPA/ – Sulmet e sotme izraelite në Rripin e Gazës kanë rezultuar në dhjetëra të vrarë, tha Mbrojtja Civile e kontrolluar nga Hamasi.

Agjencia raportoi se deri në mbrëmjen e së hënës, të paktën 51 palestinezë ishin vrarë në të gjithë territorin.

Në një sulm të vetëm në qytetin e Gazës, të vendosur në pjesën veriore të rajonit, punonjësit e shpëtimit gjetën 15 trupa.

Dhjetëra të tjerë u plagosën në incident.

Mbrojtja civile fillimisht nuk dha informacion mbi identitetin e viktimave dhe raporti nuk mund të verifikohej fillimisht në mënyrë të pavarur.

Ushtria izraelite deklaroi se do ta hetonte çështjen.

Media arabe raportoi viktima të mëtejshme në mbrëmje pas një sulmi ajror izraelit ndaj një automjeti në Nuseirat, të vendosur në Gazën qendrore.

Agjencia palestineze e lajmeve WAFA raportoi gjashtë vdekje.

Ky raport gjithashtu nuk mund të verifikohej në mënyrë të pavarur dhe ushtria izraelite nuk komentoi menjëherë për çështjen./ a.jor.