GJERMANI – Scholz emëron ministrin e ri të Financave

BERLIN, 7 nëntor /ATSH-DPA/- Me qeverinë gjermane në prag të kolapsit pas largimit të një prej tre partnerëve të koalicionit, kancelari gjerman Olaf Scholz nxitoi të plotësonte katër pozicionet ministrore të mbetura bosh nga Partia e Lirë Demokratike (FDP) në largim.

Scholz emëroi sot në mëngjes Jorg Kukies, ish-këshilltarin e tij ekonomik, për të zëvendësuar ministrin e Financave, Christian Lindner të Partisë Demokratike të Lirë (FDP). të cilin ai e kishte shkarkuar mbrëmjen e kaluar, duke përshpejtuar krizën aktuale.

Lindner, lideri i FDP-së, ka qenë “një gjemb në këmbë” për Scholz për muaj të tërë, duke mbajtur një qëndrim të ashpër për financat e qeverisë kur partitë e tjera të koalicionit – Socialdemokratët e Scholz (SPD) dhe të Gjelbërit – do të donin të lehtësonin rregullat e rrepta të huamarrjes për të injektuar një rritje të nevojshme në ekonominë në rënie të Gjermanisë.

FDP u largua nga qeveria pas shkarkimit të Lindner.

Lindner pritet të marrë letrën e tij të shkarkimit nga presidenti Frank-Walter Steinmeier në rezidencën e tij në Berlin, Bellevue Palace, sot pasdite.

Më pas Kukies pritet të marrë certifikatën e emërimit si ministër i ri i Financave.

Pozicionet e ministrit në largim të Drejtësisë, Marco Buschmann, dhe ministres së Arsimit, Bettina Stark-Watzinger, ka të ngjarë të zëvendësohen nga ministrat tashmë në kabinet. //a.i/