GP Sakhir, Leclerc menjëherë jashtë: Faji im, nuk e prisja lëvizjen

GP Sakhir zgjati shumë pak për SF1000 të Charles Leclerc, i cili, pas një kontakti me Racing Point të Sergio Perez, u detyrua të tërhiqej. Piloti i Ferrari-t, i cili “detyroi” edhe Verstappen të bëjë gabim, analizon atë që ndodhi. “Unë marr përgjegjësitë e mia, duke parë videon isha afër Max dhe u përpoqa ta parakaloja atë, por prisja që Perez të qëndronte nga jashtë”.

“Unë nuk dua të fajësoj Sergio, sepse ai nuk ka asnjë faj, u habita që ai arriti të futej përsëri brenda”, ka deklaruar Leclerc. Racing Point, pas kontaktit me Ferrarin, u kthye në bokse për një pit-stop dhe më pas u rikthye në garë.

Pas aksidentit, ka folur edhe për Verstappen, I cili për të shmangur dy mmakinat e përfshira në aksident, ka provuar një dalje anësore, që e bëri të përplasej. “Max nuk ishte I zemëruar. E pieta nëse kishim pasur kontakt mes nesh dhe ai mu përgjigj se kishte provuar të shmangte përplasjen me Serio, por nuk kishte arritur të kthehej më pas”.