Gati protokollet per moshen e trete

Ka perfunduar hartimi i protokolleve klinike per praktiken e mjekesise se familjes per moshen e trete. Ministri i Shendetesise Petrit Vasili ka bere publike botimin e dyte ne lidhje me pese nozologjite e semundjeve kryesore kronike. Ne kete menyre Ministria e Shendetesise ne bashkepunim me Qendren Kombetare te Cilesise Sigurise dhe Akreditimit te Institucioneve Shendetesore dhe Institutin e Sigurimeve te Kujdesit Shendetesor pajis mjeket e kujdesit shendetesor paresor si dhe specialistet e sherbimeve ambulatore me njohurite e duhura bashkekohore ne venien e sakte te diagnozes. Me miratimin e protokolleve te tilla ne nuk ia leme gjerat rastesise por te gjitha rastet perballen me fenomenin ne menyre te drejte dhe profesionale - u shpreh z. Vasili. Sipas tij suksesi qe ka lidhje me trajtimin e kesaj kategorie eshte sukses qe ka lidhje me jetegjatesine. Cdo beteje e fituar ne jeten e cdo te moshuari do te thote nje jete e gjate e fituar. Indeksi i jetegjatesise sot ka nje mesatare qe kalon moshen 78 vjec por nuk mund te jete nje indeks real nese nuk ka nje trajtim profesional te moshes se trete. Keto protokolle do te jene tashme ne duart e mjekut te familjes qe ka dhe kontaktin me te shpejte dhe intensive me njerezit e moshes se trete. Ky kontakt ben te mundur zgjidhjen e shume problemeve dhe daljen perpara te atyre qe mund te komplikohen me kohen.