Gazi i lengshem shtrenjtohet me 150 leke
Ne kushtet e mungeses se energjise elektrike, shqiptaret i kane kthyer syte nga mundesite alternative per te kompensuar kete mungese jo te vogel. Por rritja e konsumit te gazit te lengshem ne keto dite ka bere qe te rritet ne menyre spekulative çmimi qe ne tri ditet e fundit ka shenuar shifra rekord. Nga 1100 leke qe kushtonte nje bombul gazi 10 kg per perdorim familjar vetem para tri ditesh, sot kushton 1300 leke. Sipas tregtareve te pakices, “çmimet jane rritur nga furnizuesit e shumices qe çdo dite bejne shperndarjen e tyre me kamiona ne çdo pike tregtimi”. Tregtaret e pakices thone gjithashtu se grosistet e rriten çmimin fillimisht me 50 leke duke e çuar nga 1100 leke ne 1150 leke nje bombul gazi 10 kg. Me pas ky çmim u rrit serish me 50 leke te tjera dhe vetem dy dite me pare ai arriti çmimin rekord te ketyre viteve te fundit ne 1300 leke bombula 10 kg. “Konsumatoret familjare, edhe pse jane ankuar per kete çmim te rritur, kane vijuar qe ta blejne, pasi perdorimi i gazit te lengshem per ngrohje dhe gatim vazhdon te kete nje kosto me te lire se sa energjia elektrike”, - sipas tregtareve te pakices.
19 Dhjetor 2007