Gazmend Dibra i shpeton burgut
TIRANE- Ish-drejtori i Aviacionit Civil, Gazmend Dibra rrezikon denimin me nje vit burg dhe 8 milione leke te vjetra gjobe, per akuzat e “shperdorim detyre” dhe “korrupsion pasiv te personave qe ushtrojne funksione publike”. Ne seancen e djeshme, akuza e perfaqesuar nga prokurori Dritan Rreshka, kerkoi nga gjykata qe Gazmend Dibra te shpallet fajtor per akuzat e ngritura dhe te denohet me nje vit burg me kusht per dy vjet, cka do te thote se ish-kreu i Aviacionit Civil, per dy vjet nuk duhet te kryej asnje veper penale, ne te kundert eshte i detyruar te kryeje denimin 1 vit burg. Gjithashtu gjate pretences, organi i akuzes kerkoi qe Dibra te gjobitet me 8 milione leke te vjetra, pjese kjo e denimit te kerkuar nga akuza. Pas pretences, kreu i trupit gjykues, Shefkie Demiraj, vendosi te shtyje seancen per t’i dhene kohe mbrojtjes te pergatise konkluzionet perfundimtare. Procesi ndaj Gazmend Dibres, nisi rreth nje vit me pare, kur Prokuroria e Tiranes, nisi kryesisht hetimet per ish-kreun e Aviacionit Civil, pas publikimit ne media te nje pergjim mes tij dhe administratoreve te kompanise se fluturimeve “Albatros”, ku Dibra ju kerkonte Aleksander dhe Valer Hoxhes, njekohesisht nipa te ish-presidentit Moisiu, te ndikonin tek kreu shtetit qe te te firmoste shkarkimin e Sollakut, nder i cili do te shperblehej me mosmbylljen e “Albatros”.