Gjata Reforma kerkon depolitizim te administrates lokale zgjedhore

Ish-kreu i KQZ-së-së Çlirim Gjata tha se problemi kryesor që duhet të adresohet për zgjidhje në reformën zgjedhore është depolitizimi i administratës lokale zgjedhore.

Gjata tha se janë pikërisht komisionerët politikë të cilët duke mos u përballur kurrë seriozisht me ligjin kanë bërë që zgjedhjet në Shqipëri të shoqërohen me klimën e mosbesimit ndërmjet palëve.

Një tjetër çështje konkrete për të trajtuar në këtë reformë sipas Gjatës është edhe mënyra e hartimit të listave të zgjedhësve.