Gjelberimi i qytetit, mbillen 8 mije peme

Numri i pemeve te mbjella deri tani, ne kuader te projektit "Nje qytetar-nje peme", ka arritur ne rreth 8 mije. Shifren e ka dhene kryetari i bashkise se Tiranes Edi Rama, gjate ceremonise se mbjelljes se disa pemeve ne lagjen "Tirana e Re". Rama, duke shprehur kenaqesine per shtrirjen e gjere qe "Nje qytetar - nje peme" ka gjetur ne kryeqytet, u shpreh se, pemet e mbjella ne qytet me kontributet e qytetareve, sebashku me kontributet e sipermarresve, bankave, shoqatave dhe individeve shkojne ne nje numer shume te konsiderueshem per kete sezon, qe i kalon te gjitha parashikimet. Ai tha se objektivi me i ri eshte qe brenda ketij sezoni, numri i pemeve te mbjella te arrije ne 10 mije. "Ky eshte nje objektiv plotesisht i arritshem, duke pare se si po rritet sensibiliteti qytetar, duke pare se si po shtohen dita-dites kontributet e qytetareve", deklaroi kryetari i bashkise se Tiranes. Kesaj iniciative i jane bashkuar deri me tani mjaft subjekte, te cilet permes aksionit te mbjelljes se pemeve, synojne te japin ndihmesen e tyre ne pastrimin e ajrit, uljen e ndotjes dhe krijimin e nje mjedisi sa me te shendetshem, ne funksion te rritjes se cilesise se jetes ne komunitet. Vetem kete fillimjave u mbollen rreth 110 peme. Nisma "Nje qytetar - nje peme" ndikon drejtperdrejt ne rritjen e permases se gjelber te kryeqytetit tone, rritjen e cilesise se ajrit ne mjedisin tone dhe rritjen e qytetit tone, si qytet europian, duke krijuar keshtu nje te ardhme me te mire per qytetaret, e ne vecanti per femijet e me te moshuarit.