Gjermania dhe Italia, nënshkruajnë ‘paqen’ në Dortmund

Gjermania nuk ka arritur dot të hakmerret në Dortmund për atë eliminim që skuadra axurre i bëri 5 vjet më parë në kuadër të Kupës së Botës që u zhvillua në tokën e pancerave. Ndonëse skuadra e Joakim Lëvit e nis mirë takimin, Gjermania nuk arrin do ta ruajë rezultatin e ndeshjes. Në fillim ka shënuar Miroslav Klose (17’), që ka shfrytëzuar më së miri asistin e dalë nga kombinimet e shkëlqyera Ozil-Myler dhe nga qendërzona, e ka mposhtur me lehtësi Bufonin. Takimi bëhet elekstrizues, pasi të dyja skuadrat nuk e heqin këmbën nga pedalja e “gasit”. Minnutat kalojnë dhe Italia rikuperon disavantazhin vetëm në minutën e 81-të, kur Xhuzepe Rosi shënon pas pritjes së parë të bërë nga Nojer. Rezultati nuk ndryshon dhe njëra nga ndeshjet më të forta të kontinentit mbyllet në barazim.