Gjigantët japonez tërheqin disa makina nga tregu

Kompania e tretë e prodhimit të makinave në Japoni, “Nisan Motor Co”, do të tërheqë nga tregu si pasojë e një defekti në motor 10 modele të ndryshme, në total 76 415 makina. Gjithashtu, bëhet e ditur se do të tërhiqen edhe 2 281 automjete të shitura jashtë Japonisë.

Ndërkohë, prodhuesi i katërt japonez i automobilave, “Suzuki” do të tërheqë nga tregu dy modele makinash të vogla, pas shfaqjes së disa problemeve aerodinamike. Si pasojë, 432 366 do të tërhiqen nga tregu i brendshëm dhe i jashtëm.

“Daihatsu” do të tërheqë nga tregu japonez 60 774 makina, të katër modeleve të ndryshme.