Gjiri i Meksikës, BP ka shpenzuar rreth 2.6 miliardë

British Petrolium ka shpenzuar rreth 2.6 miliardë dollarë për shkak të rrjedhjeve në një pus në Luiziana që po shkakton katastrofën më të madhe ekologjike në SHBA. Kompania britanike, përvec përpjekjeve për të ndalur rrjedhjen, ka nisur edhe dëmshpërblimin e banorëve të zonës, të cilët nuk mund ta shfrytëzojnë më detin për shkak të ndotjes së lartë. Ndërkohë, Qendra e Uraganëve në Miami ka bërë të ditur se stuhija tropikale Alex është fuqizuar në Gjirin e Meksikës. Gjatë orëve të ardhshme ajo mund të kthehet në një uragan. Kjo i bën edhe më të vështira operacionet e BP për pastrimin e njollës së zezë.