Gjirokastër Qendra Shëndetësore, kushte të mjerueshme
Gjirokastër – Në qendrën shëndetësore të fshatit Dervician në Gjirokastrër marrin shërbime mjekësore më shumë se 3 mijë banorë të fshatit, por edhe mijëra banorë të tjerë nga fshatrat përreth.
Kjo qendër gjendet e ndërtuar në një godinë të rrënuar, e cila dikur ka qenë shkollë e ciklit fillor dhe është në gjendje plotësisht të amortizuar.
Situata aktuale e godinës është mjat e mjerueshme. Në të nuk ka ngrohje, ujë të pijshëm apo pajisje dhe infrastrukturë që të bëjnë të mundura vizitat mjekësore.
Infermieria pranë qendrës shëndetësore, Anila Cami shprehet: Në këtë qendër janë të punësuar një mjek dhe tre infermiere të cilët më shumë e kryejnë detyrën në banesat e pacientëve sesa në këtë qendër.
Gjithashtu ajo thotë se prej vitesh stafi ka kërkuar investimin për të krijuar ambjente të reja.
Kjo qendër, njëkohësisht më e madhja e Dropullit të Poshtëm, kryen rreth 15 vizita në ditë dhe i përgjigjet kërkesës për shërbime infermierore për rreth 50 pacientë.
Shkrime të tjera me interes: