Gjirokastër, konfiskohen 180 kg marijuanë

Policia e qytetit të Gjirokastrës ka zhvilluar një operacion anti-drogë që është mbyllur me sekuestrimin e një sasie të konsiderueshme lënde narkotike.

Lajmin e bëjnë të ditur burime policore lokale, sipas të cilavë gjatë operacionit, i koduar me emrin “befasia” u konfiskuan plot 180 kilogramë marijuanë.

Të njëjtat burime shtojnë më tej se sasia e drogës po transportohej drejt malit të Sopotit nga shtetasit Harilaos Loli dhe Mirel Ademi, të cilët janë arrestuar.