Gjirokaster shtohen pacientet me Hepatit A
Mjeket infeksioniste ne spitalin rajonal "Omer Nishani" ne Gjirokaster kane dhene alarmin per numrin ne rritje te pacienteve te prekur nga Hepatit A, te cilet paraqiten prane spitalit per te marre ndihmen e pare mjekesore. Sipas mjekut infeksionist Ardian Misha, prej dates 6 korrik 2008 jane 13 paciente, kryesisht femije te cilet kane marre ndihmen e pare mjekesore si shkak i infektimit nga hepatiti A. Fillimisht nje vater me hepatit A u konstatua ne periferi te qytetit ne nje familje rome. "Shqetesues eshte fakti se prej asaj dite rastet me hepatit kane ardhur ne rritje", thote mjeku Misha. Harta e semundjes ka perfshire edhe zona te tjera te qytetit si ne lagjet Punetori, Cfake, 11 Janari etj. "Pjesa me e madhe e te infektuarve kane qene pjesetare te nje familje apo te aferm te tyre", thone mjeket infeksioniste ne spitalin e Gjirokastres. Pasi jane paraqitur ne spital dhe kane marre ndihmen e pare mjekesore gjendja e tyre shendetesore ka ardhur duke u permiresuar nderkohe qe nuk jane regjistruar komplikacione. Megjithate, ka pasur raste kur ne vatra te caktuara pasi inspektoret e higjienes kane shkuar per depistimin e popullates kane konstatuar edhe raste te tjera te cilat nuk ishin paraqitur ne spital per te marre ndihme mjekesore. Sipas mjekeve semundja e hepatitit A vjen si shkak i mungeses se higjienes apo konsumit te ujit te kontaminuar. "Ne kete rast do t'i beja thirrje popullates qe te respektonte normat baze te higjienes sic eshte larja e duarve para ngrenies apo zierja e ujit te pijshem para se te konsumohet", thote mjeku infeksionist Ardian Misha. "Ne keto kushte popullata duhet te tregoje kujdes ne lidhje me respektimin e normave te higjienes", thone mjeket infeksionist. Nje element tjeter qe keshillojne ata eshte edhe mbajtja nen kontroll e cilesise se ujit te pijshem qe perdoret per konsumim nga popullata. Ne kete drejtim mjeket keshillojne popullaten qe te tregohet e kujdesshme ne pastrimin dhe higjienizimin e depozitave te ujit te pijshem. Sipas bluzave te bardha shpesh higjienizimi i depozitave te ujit te pijshem lihet pas dore per muaj te tere nga popullata duke bere qe ne disa raste ato te kthehen ne burim kercenimi per shendetin e njerezve. Mjeket keshillojne qe uji i cisternave te mos perdoret ne asnje rast per konsum te perditshem pasi mund te behet burim i infeksioneve te ndryshme shendetesore. Te kujdesshem ne kete drejtim sipas bluzave te bardha duhet te tregohen pronaret e bareve dhe lokaleve te sherbimit. Nderkaq, inspektoret e higjienes ne Gjirokaster vazhdojne kontrollet ditore te kampioneve te ujit te mara ne zona te ndryshme te rrjetit te ujesjellesit. "Brenda nje jave ne mund te realizojme rreth 20 analiza te ujit te pijshem ne lidhje me parametrat dhe cilesine e tij", thone inspektoret e higjienes ne Gjirokaster.