"Gjobat per shkelesit, mbyllje per dyqanet qe s'kane licence"

Shefi i Zjarrfikeseve ne Durres, Et'hem Bardhi, pranon se tregtimi i gazit apo hidrokarbureve te tjera jashte kushteve te sigurise, perben nje rrezik te vertete ne Qarkun e Durresit. Ai gjendet ne krye te grupit te kontrollit, qe eshte ngritur prej disa ditesh dhe pohon per gazeten "KJ" se gjate inspektimit te ushtruar, jane gjetur shkelje te ndryshme. "Shkeljet konsistojne jo vetem ne anen teknike, por edhe ne cilesine e karburantit. Nga 80 subjekte qe zhvillojne aktivitetin ne qark, 22 jane gjetur me mangesi", thote Bardhi. Ndaj shkelesve jane vendosur gjoba nga 100 mije, deri ne 200 mije leke per subjekt, kurse shtate prej tyre jane mbyllur nga ana e inspektoratit, per shkak te mungeses se theksuar te kushteve teknike dhe sepse gjendeshin prane zonave te banuara. Probleme sipas kryeinspektorit te Hidrokarbureve, jane hasur ne zonen e qytetit, Sukthit apo Shkozetit. Por dhe ne autostraden Tirane-Durres mund te gjesh dhjetera pika, qe perbejne rrezik per bizneset.

Rreziku, mbushja e bombolave ne dyqane

Grupi i kontrollit ka konstatuar se bombolat e gazit mbushen dhe tregtohen jashte standardeve dhe normave minimale te sigurise. Bardhi shprehet se gazi tregtohet ne rruget kryesore te qytetit, fare prane kalimtareve, duke vene ne rrezik jeten e tyre, ne dyqanet e ushqimeve apo lokale sherbimi dhe per arsye perfitimi. "Problem serioz eshte momenti i mbushjes se bombolave, prane pikave te tregtimit apo karburanteve dhe kjo eshte e palejueshme", u shpreh Bardhi.