Gjykata Kushtetuese merr vendimin për Ballukun

Gjykata Kushtetuese ka marrë sot (6 shkurt) vendimin mbi ankimin e Këshillit të Ministrave për vendimin e GJKKO-së për pezullimin e zv.kryeministres Belinda Balluku.

Gjyqtarët e Gjykatës Kushtetuese kanë votuar 4 me 4, duke mos arritur një shumicë mbi çështjen. Në këtë mënyrë mbetet në fuqi vendimi i Gjykatës së Posaçme për pezullimin nga posti të zëvendëskryeministres Belinda Balluku.

GJKKO, me kërkesë të SPAK pezulloi nga detyra zv.kryeministren Balluku, ndërsa Këshilli i Ministrave kërkoi shpalljen e tij si antikushtetues, me argumentin se GJKKO ka shkelur kompetencat e pushtetit ekzekutiv.

Pas ankimimit, gjykata riktheu përkohësisht në detyrë Ballukun deri sa çështja e saj të shqyrtohej në themel nga Gjykata Kushtetuese.

/rtsh.al/