Gjykata Supreme ne Pakistan

Gjykata Supreme në Pakistan urdhëroi arrestimin e kryeministrit të vendit, Raja Pervez Ashraf për korrupsion gjatë kohës kur ishte Ministër i Ujit dhe Energjetikës. 

Ashraf i mohon akuzat dhe i quan ato shpifje. Sipas hetimeve, ai dyshohet se ka marrë ryshfet për favorizimin e projekteve të veçanta të ndërtimit të hidrocentraleve në vend gjatë kohës kur ishte ministër në vitin 2010. 

Bashkë me të, gjykata urdhëroi edhe arrestimin e 15 personave të tjerë, zyrtarë dhe ish-zyrtarë të lartë pakistanezë të përfshirë në skandalin e korrupsionit. 

Islamabadi është përfshire nga  protesta te dhunshme , Policia ka shtënë ne ajër dhe ka përdorur gaz lotsjellës. Mijëra persona protestuan  kundër korrupsionit ne vend, ndërsa nuk kane munguar dhe përleshjet me forcat policore.