Gjykata e Tiranes le ne qeli ish-punonjesin e Deges se Sigurimeve Shoqerore
Tirane - Ish-punonjesi i Deges se Sigurimeve Shoqerore do te qendroje ne qeli deri ne perfundim te hetimeve. Ky ka qene vendimi i dhene dje nga Gjykata e Tiranes. Qemal Caka nuk e ka mohuar faktin se ka falsifikuar dokumente, te cilat kane cuar ne perfitimin e pensioneve, por ka treguar se ne te shumten e rasteve ato kryheshin duke ngjallur te vdekur. Keshtu, mesohet se i pandehuri 41-vjecar, ne bashkepunim edhe me persona te tjere, ka falsifikuar dokumente, ne te cilat ishin vendosur gjeneralitete te personave te vdekur. Nepermjet falsifikimeve te dokumenteve, persona te ndryshem kishin perfituar pensione pleqerie ne menyre te padrejte. Perpara gjykateses se gatshme, Kace Agolli, i pandehuri ka sqaruar se e ka kryer vepren e tij penale ne kembim te lekeve. Ndersa prokurori i ceshtjes ka sqaruar gjykaten se nga hetimet e kryera deri me sot jane verifikuar plot 10 raste te abuzimeve te pensioneve, te cilat jane kryer nga ana e te pandehurit. Madje, sipas prokurorise, mbi te pandehurin ka prova bindese, duke nisur dhe nga pergjimet qe jane kryer ne nje periudhe 2-mujore nga ana e Prokurorise se Tiranes. Prokurori i kerkoi dje gjyqtares se gatshme caktimin e mases se sigurise "arrest me burg", mase kjo e vendosur me pas nga gjykata. Qemal Caka u vu ne pranga tri dite me pare ne saje te operacionit te koduar "Qelia e hapur 2". Njesia e Task-Forces, e cila kishte nisur hetimet disamujore ndaj tij, ka grumbulluar prova, te cilat tregonin se i pandehuri ka konsumuar vepren penale te "falsifikimit te dokumenteve", "korrupsionit pasiv te personave, te cilet ushtrojne funksionet shteterore". Prokuroria e Tiranes ka ne cilesine e provave materiale nje numer te madhe dokumentesh, te cilat tregojne fajesine e te pandehurit. Keshtu, librezat e pensioneve te minatoreve te Tiranes jane sekuestruar nga ana e prokurorise dhe i jane nenshtruar hetimit te tyre. Nderkohe qe, nga verifikimet e kryera ne zyren e sigurimeve shoqerore dhe pas vete kallezimeve te kryera ne prokurori nga ana e punonjesve te ketij institucioni, ka rezultuar se shume persona ne vendin tone kane kryer falsifikime, duke shperdoruar detyren. Nje nga personat, te cilet kane kryer keto falsifikime ka qene edhe i pandehuri Caka. Sipas hetimeve, ka rezultuar se te gjitha falsifikimet jane bere gjate periudhes kohore 1998 deri me vitin 2004. Sipas hetimeve te kryera ka rezultuar se i pandehuri Caka perfitonte per cdo lloj falsifikimi shumen prej 90 mije lekesh. Te gjithe personat, te cilet kane perfituar pension ne menyre te padrejte, kane rezultuar te kene vdekur, por gjeneralitetet e tyre jane perdorur nga te afermit e tyre. Ndersa ne prokurori gjendet edhe nje liste e madhe dokumentesh te tjera, te cilat kane rezultuar te kene qene te falsifikuara ne saje te ekspertizes se bere nga ana e prokurorise.