Vrau gruan me sepate, rrefehet ish-polici ne reforme

Diber - Ngjarja e rende, e ndodhur ne fshatin Brest i Eperm, te komunes Kastriot, ka tronditur komunitetin e zones. Burime zyrtare te policise bene te ditur dje, per "KJ", se i dyshuari per masakrimin e bashkeshortes me sepate, ish-polici Lazam Tafa, ka pranuar krimin makaber perpara oficereve gjyqesore. Ai ka treguar se ne oren 01:15 te se enjtes ka tentuar vetevrasjen, duke u ngjitur ne shtyllen elektrike, por sapo ka prekur telat, korrenti e ka perplasur ne toke. "Pas pak minutash mora sepaten dhe shkova drejt dhomes, ku flinte bashkeshortja dhe ne qetesi te plote e godita me te pasmen e sepates, pa me degjuar as femijet", ka rrefyer 43-vjecari. Bashkeshortja Zelie Tafa ka gjetur vdekjen e menjehershme nga goditja pas kokes. "Ne ato momente nuk po dija c'po beja. Mora trupin e saj nder krahe dhe e nxora ne oborrin e shtepise. Shkova serish ne shtyllen elektrike, duke tentuar vetevrasje te dyte, por teli eshte keputur dhe rashe pertoke, duke u demtuar ne krah e koke", ka vijuar rrefimin 43-vjecari. Lazami ka thirrur edhe vellane e tij, i cili sapo degjoi zhurmen ka dale duke kerkuar ndihmen e policise. "Nuk di si ta shpjegoj menyren dhe castet se si e kreva ate krim. Nuk mbaj mend shume detaje nga ngjarja apo hollesi. Jam penduar thelle", ka thene Lazam Tafa. Mesohet se 43-vjecari kishte punuar deri ne vitin 1993 si efektiv i policise se Dibres e me pas ne Bulqize. Reforma e kishte nxjerre te papune, duke veshtiresuar kushtet ekonomike te familjes. Doktoresha e qendres shendetesore Kastriot, Linda Gazidede, shprehet se nuk mund ta besoje ngjarjen e ndodhur. "Zelien e kisha shoqen dhe miken me te mire, prandaj nuk mund ta besoj se ka vdekur", thote ajo.

Neki Feta