Gjykata pro kerkeses se belgeve

Tirane- Gjykata e Krimeve te Renda eshte shprehur pro kerkeses se organit te akuzes per ekzekutimin e nje leter-porosie per llogari te drejtesise belge per te pandehurin Agim Shengjoni. Vendimi eshte marre dje nga gjyqtarja, Flora Hajredini e cila shqyrtoi kerkesen. Dy seanca me pare kane qene vete perfaqesuesit e drejtesise belge, konkretisht 6 eksperte, te cilet kane ardhur ne Shqiperi dhe kane marre pjese ne seanca per te grumbulluar provat me te cilat do vijoje gjykimi ne mungese per kete shtetas. Gjashte ekspertet kane marre shenja te gishtave te Shengjonit, do i behet analiza e ADN-se, si dhe kane bere kontroll ne banesen e Shengjonit, ku jane sekuestruar disa objekte, mes te cilave edhe laptopi personal i te pandehurit. I pandehuri akuzohet nga drejtesia belge per vepren penale te "vjedhjes". Ai dyshohet te jete autor i disa vjedhjeve te banesave qe kane ndodhur ne Belgjike. pervec deshmive hetuesit belg kane gjetur edhe gjurme te cilat do t'i krahasojne me keto te marra ne vendin tone. Nderkohe qe ne Belgjike gjyqi do zhvillohet ne mungese, ne vendin tone ky shtetas eshte duke u gjykuar per "trafik armesh", konkretisht te tre pistoletave, te cilat i nisi vete nga Holanda me identitet te rreme dhe i priti me pas ne posten e Elbasanit. Sot pritet qe gjykata te jap vendimin per kete shtetas.

Trafiku

I pandehuri Agim Shengjoni akuzohet per vepren penale te "trafikut te armeve". Nga hetimet e prokurorise se Krimeve te Renda ka rezultuar se i pandehuri me 19 prill te ketij vitit ka pritur tre pistoleta, ne posten e Elbasanit, te cilat i kishte postuar vete ne Hollande me emer te rreme.