Gjykata vendos burg pa afat per kater inspektoret e OSSH

Lihen ne burg kater inspektoret e Task-Forces te OSSH-se te cilet u kapen duke marre 1.5 milione leke ryshfet 3 bizneseve ne zonen e Pyllit te Sodes. Dje ata jane perballur me togat e zeza per vleresimin e mases se arrestit. Trupi gjykues pasi ka degjuar pretendimet e paleve ka vendosur lenien e tyre ne burg deri ne perfundim te hetimeve. Arrestimi i tyre u be pak dite me pare pas nje operacioni blic te strukturave te hetimit te krimit te policise se Vlores dhe Task-Forces se Prokurorise se ketij rrethi. Peci Ferro Enver Hajdari qe te dy inspektore te OSSH-se se Lushnjes dhe Adrian Nuraj e Neim Carcani te OSSH-se se Vlores akuzohen per shperdorim detyre dhe korrupsion pasiv. Burimet nga organi i akuzes thane se fillimisht ekipi i Task-Forces se OSSH-se kishte vendosur gjoba te renda. Me pas sipas vete denoncuesve ne polici nje fakt i tille ishte kryer per shantazh per te detyruar bizneset te paguanin nen dore. Pazari ka qene per 50 mije leke te reja per biznes dhe kishin paguar 3 prej tregtareve te zones ne Pyllin e Sodes. Takimet jane filmuar nga oficeret e vezhgimit ndersa nderhyrja eshte bere me dy grupe operacionale. Policia i ndaloi ne momentin qe inspektoret e OSSH-se kishin ndare edhe parate.