Gjysmë mandati pa Zëdhënës

Kjo duket se është forma që Qeveria ka zgjedhur të mos ketë Zëdhënës.

Para tre muajsh ishte paralajmëruar se shumë shpejt do të ketë një zë të Qeverisë.

Zëvendëskryeministri Hajredin Kuçi, i cili e luan edhe rolin e Zëdhënësit të Qeverisë, pati thënë se emërimi i zyrtarit për informim i Qeverisë është çështje ditësh.

“Unë jam më shumë se zëdhënës, por unë zëdhënësin nuk e zëvendësoj. Do ta bëjmë shumë shpejt një zëdhënës”, ka thënë Kuçi.

“Një zëdhënës të pranueshëm nga mediet, por edhe për politikat e Qeverisë”. kishte thënë Kuçi më 19 tetor të vitit të kaluar.

Që nga konstituimi i Qeverisë së Kosovës Thaçi 2, në fund të muajit shkurt të viti 2011, ekzekutivi vazhdon të funksionojë pa zëdhënës.

Edhe Kryeministri ka paralajmëruar disa herë se shpejt do ta emërojë zëdhënësin e Ekzekutivit.