Globalizohen protestat e Wall Street-it

Protesta kundër bankierëve, politikanëve dhe krizës ekonomike janë mbajtur në shumë shtete në botë.

Demonstrata më e madhe dhe më e dhunshme ka qenë në Romë, ku policia ka hedhur gaz lotsjellës për ta shpërndarë turmën e protestuesve, të cilët po gjuanin me gurë, shishe dhe fishekzjarre.

Në New York, 70 protestues u arrestuan kur po marshonin në Times Square.

Sipas AFP, protestat janë mbajtur në 951 qytete nëpër 82 vende të Azisë, Evropës, Afrikës dhe Amerikës.