Goditet rrjeti i trafikantëve të drogës në Itali, pranga 13 shqiptarëve

Itali- Policia italiane ka arritur të shkatërrojë një bandë të trafikut të drogës dhe ka vënë në pranga 15 persona, mes të cilëve 13 shqiptarë.

Sipas mediave italiane, në operacionin e drejtuar nga policia e Pistoias, së bashku me 13 shqiptarët, janë arrestuar edhe dy shtetas italianë dhe një shtetas rumun.

Këtsa shtetas akuzohen për transportimin e drogës nga Shqipëria dhe shpërndarjen e saj në disa qytete të Italisë. Siç shkruajnë mediat italiane, organizata drejtohej nga një shqiptar, i cili e drejtonte gjithë veprimtarinë nga Shqipëria.

Thuhet se hetimet kanë nisur qysh prej vitit 2011, kohë kur policia italiane arrestoi disa të rinj që shpërndanin heroinë në qytetet Pistoia dhe Pescia.